MBATHI 295 - 319

 NAĨ SYAKWA NĨSYAIWE (I lay my sins on Jesus) 1. Naĩ syakwa nĩsyaiwe ĩũlũ wa Yesũ,  Akyumya syonthe kwakwa Nĩsyanoisye vyũ.  Na yĩla naĩ mwathe nyie, andekea naĩ syakwa,  Nthakame yake nĩyantheisye ngoo yakwa.  2. Yesũ, Mũtangĩĩi wakwa, nĩwokie kũũ nthĩ,  Andekee i naĩ syakwa, nose mũuo wa ngoo Yesũ ookĩe kũũ nthĩ kana ndangĩĩwe nyie Nĩngũmũkatha mũno, andaanĩsye na naĩ.  3. Ngoo ĩno yaĩ nthũku na yaĩ ya satani; Namĩtwaĩe Yesũ, nthakame ĩnthambye,  Syĩtwa yake n’ĩseo, nĩ Mwovosya wakwa,  Nĩ Ngai vamwe naitũ, nĩtũkũmũkatha.  4. Natwawa kũy’ĩtunĩ, vala ngona Yesũ,  Ngeeloela Mũtangĩĩi, anengie thayũ; Nĩngwenda mũno oke, andwae ĩtunĩ,  Vala ngatũa nake, mũsumbĩ wakwa vyũ.  (Amen)

 ETĨKĨLI ONTHE NĨMETĨTWE (Send the light) 1. Etĩkĩli onthe nĩmetĩtwe yu,  Tavan’yai! Tavan’yai! Ve andũ aingĩ ma ũtangĩĩwa,  Tavan’yai! Tavan’yai! Tavan’yai ũvoo mũathime,  Wonanw’e ngalĩ syonthe,  Tavan’yai, na kyenĩ kĩĩ kĩtheu Kĩkenae nthĩ yonthe vyũ.  2. Nĩtwĩw’ĩte ũvoo wa Yesũ Klisto,  Tavan’yai! Tavan’yai! Nĩwe nthembo ĩla Ngai waumisye,  Tavan’yai Tavan’yai! 3. Tũvoyei nĩ kana mũmo wingĩve,  Tavan’yai! Tavan’yai! Na mũuo wa Yesũ Klisto wonanw’e,  Tavan’yai! Tavan’yai! 4. Na tũtĩkanoe wĩanĩ wa Ngai,  Tavan’yai! Tavan’yai! Tũmantheĩ ĩtuvĩ yĩtakathela,  Tavan’yai! Tavan’yai! (Amen)

 ITHYĨ NĨ TWONETW’E KYENI (Brightly beams our father’s mercy) 1. Ithyĩ nĩtwonetw’e kyeni Kĩla kyookie kũũ nthĩ,  Kĩmulĩke andũ onthe,  Melingĩle Mũtangĩĩi.  Andũ nĩmũkwĩtĩkĩla Kyenĩ kĩĩ kĩmulĩkae Yesũ amũtongoesye? Amũvathan’ye na naĩ? 2. Ũ wendete naĩ amenaa Kyeni kĩikamũkenee,  Kĩikamwon’ye ala wĩkaa,  Kana nĩmo maasya.  3. Tũkĩendan’ya kyeninĩ Twĩ na mũamba ithyonthe,  Tũkĩthambw’a nĩ nthakame Ya Yesũ, Mũtangĩĩi.  4. Tũlyai kyenĩ, andũ, tũlyai! Angĩ me kĩvindunĩ; Nĩmaĩte mothũkunĩ: Tũlyai kyeni kĩĩ kya Ngaĩ! (Amen)

 ANDŨ ATHASYE, ĨW'AI (Work, for the night is coming) 1. Andũ athasye, ĩw’ai,  Ngai nĩwatwĩw’ĩie Wendo na tei mũnene,  Aitumya kĩkw’ũnĩ; Ndaĩ n’ũndũ ailekya Mwana atũthasye: Tũtonya ũmwĩk’ata,  ũũ watũkw’ĩĩe? 2. Twosei ũvoo wa Yesũ,  Tũmwĩtĩkĩle vyũ,  Tũitĩsw’a nĩ kĩvindu Twĩ kyeni kĩĩ kya w’o.  ũla wĩthi na Yesũ,  Amanthe andũ au,  Akooka na ũtanu W’andũ kũalyũla ngoo.  3. Thangaai, andũ ma Yesũ,  Ngetha nĩ mbiku yu Kw’onthe kwĩ wĩa mũno; Weteele kwĩkwa nũũ? Nĩtwĩvotoei ngoo sitũ Twĩyũmbanĩtye vyũ Yesũ akilye kũka,  Nde vaasa, manyai ũu.  (Amen)

 ANDŨ MAITŨ AINGĨ (Bring them in) 1. Andũ maitũ aingĩ Nĩmaĩte mawathenĩ,  Na me kũasa naku, Ngai,  Matiũmanya kũla maĩ,  Matethye, Mwĩaĩi,  Nĩmaĩte mothũkunĩ vyũ: Makusye, ame Ngai,  Movosye andũ maitũ.  2. Andũ amwe nĩmew’ĩte Na nĩmakwĩtĩkĩlile,  ĩndĩ matĩ na ũthangaau,  Mathi matavye andũ au.  3. Matũme wĩanĩ,  Mathangasye ngoonĩ,  ĩĩ na mwĩĩ; ũmane vinya, Ngai,  Mathi matavye andũ au.  4. Mbũi na ng’ombe ila mbau Nimanthawa, ti mũno mbee; ĩndĩ andũ maitũ, Ngai,  Mangangaa weũnĩ wa naĩ.  5. Neena yu mũno, Ngai,  Neena mũno na andũ maku,  Maende mamanthe,  Asu maĩe naĩnĩ.  (Amen)

 YESŨ NŨKŨTWĨTA (Jesus calls us) 1. Yesũ nũkũtwĩta ithyĩ Kana tũmũvikĩle,  Tũtiĩte naĩ sya tene,  Tũkĩlea ithy’ene.  2. Yesũ nũnũtũtetheesya Tũmwende na ngoo syonthe Atwĩke ũla wendetwe; Twĩnengane ithyĩ kwake.   3. Kũũ kwĩ metano maingĩ,  Ma satani na andũ; ĩndĩ twĩkalye twĩ ewi Ma ĩ ndeto syaku tũ.  4. Yesũ twĩte, noineena,  Kana tũtikaĩwe Nĩ wasya wa Ngai waitũ; Tũendanasye nake.  (Amen)

 OSA SYĨTWA YĨĨ YA YESŨ.  (Take the name of Jesus with you) 1. Osa syĩtwa yĩĩ ya Yesũ,  Mũndũ wĩ na woo na naĩ,  Ũthi nayo kũndũ kw’onthe.  Ũnewe vinya wa Ngai.  Twaa ĩndĩ syĩtwa yĩĩ,  Kana wĩkalae nayo,  ũnengwe vinya mwingĩ,  ũmwendeesya Ngai naw'o .  2. Ĩĩ, syĩtwa ya Mwĩaĩi Yesũ,  Nĩyo ngao ya kĩla ngoo,  Na matatwa me maingĩ,  We, ndũemwa wĩ nayo.  3. Katĩ wa masyĩtwa onthe Yĩla ya Yesũ yĩ mbee, ,  Yĩkeetĩkĩlwa nĩ onthe,  Asyoka asumbĩke.  (Amen)

LĨLĨI, YESŨ NŨKŨNEENA (Hark! The voice of Jesus) 1. Lĩlĩi, Yesũ nũkũneena Na ngoo sitũ ithyonthe,  Easya, ngetha nĩ nene,  Voyai Ngai amanthe andũ,  Mũũnda nĩ nthĩ kũndũ kw’onthe,  Na ngetha nĩ mbiku yu: Nũũ ũla ũnũũmũsũngĩa,  Nĩngũthi, nĩngwĩtĩkĩla,  Ndũma nyie? 2. Yesũ nĩweteela mũno One andũ athangaau,  Maendete kũndũ kw’onthe Mamanthe ala awau,  Ti wamana, wĩa ũsu,  Nĩ wa Ngai, mwene ĩnee; E naitũ, kũndũ kw’onthe,  Na akatũtuva, wĩa wathela.  3. Manya kwasya ndũtonya wĩa,  Andũ aingĩ me naĩnĩ; Nĩmekaa mĩthenya yonthe Makĩlea mũmbi Ngai.  ĩtĩkĩla, ũkwate vyũ,  Wĩthĩwe wĩ mũthangaau,  Sũngĩa Yesũ, ũmwĩe,  Nĩngũthi, nĩngwĩtĩkĩla Ndũma nyie.  (Amen)

 VE SAA ŨMWE ITHYĨ TŨTESĨ (The happy crowning day) 1. Ve saa ũmwe ithyĩ tũtesĩ,  O na alaĩka ma ĩtunĩ; Yĩla Yesũ wĩũka kũũ na ndaĩa,  Atheu onthe amathaũwe amaete ala make,  Mew’e wasya wake wa soo wavuvwa.  Nĩwĩyũmbanĩtye kweteela Mwĩaĩi Nũsyaĩĩsye yu na kũvoya; Nĩwĩyũmbanĩtye kweteela Mwĩaĩi Oke kũũ kwĩsĩa ala make.  2. Kwĩ ũathimo mwingĩ mũno.  Wa kũtisa methonĩ,  Yĩla thayũ ũũ wa mũuo twĩnengwa Wendo wa ala makakĩlya yĩla wĩũka Mwĩaĩi Katambanga, ũtukũ kana masangya.  3. Naĩ nĩsyathambiwe,  ũsĩnĩ wa nthakame,  Umĩte vau ngelan’yonĩ Kaivalĩ; Ngai nũtonya kũtũsũvĩa tũikalulutĩke,  Yĩla wĩũka na mathweo ma kyeni.  (Amen)

 YESŨ NŨNŨKWENDA TŨKONAN’YE (Jesus bids us shine) 1. Yesũ nũnũkwenda tũkonan’ye Kyeni kyake kya w’o kĩla kĩtheu.  ũkonan’ye kwaku, nakwa vala nĩĩ,  O ta ũu kyonanw’e kũndũ kw’onthe. 2. Yesũ ndandiaa nonan’ye nyioka,  E vakuvĩ nakwa andetheeasye.  3. Kĩvindu kyonthe kĩkathela vyũ,  Eth'wa tũkoonan'ya kyeni kya Yesũ.  4. Yesũ nĩ kyeni kya i mbaĩ syonthe,  Nĩwe nzĩa ya w'o kũthi kwa Ngai.  (Amen)

 KŨNDŨ KWINGĨ ANDŨ ME KĨVINDUNĨ (Far far away in heathen darkness) 1. Kũndũ kwingĩ andũ me kĩvindunĩ,  Mathayũ maingĩ me thĩnanĩ,  Nũũ ũla wĩthi kũtavan’ya kwamo Aimwenda Yesũ, ateũtuvwa? Vinya w’onthe nĩnĩnengetwe,  Vinya w’onthe nĩnĩnengetwe,  Endai ĩndĩ nthĩ yonthe mũkamatavye,  Nakwa nĩngwĩkalaa nenyu.  2. Sisya ũndũ nthĩ yeteele wovosyo,  Asikalĩ ma Yesũ, tavan’yai Etĩkĩli, amũkai mume toonĩ,  Twaĩai ũvoo na mbee mũlũngye naĩ.  3. Nũndũ wa kĩ wĩkalaa naĩnĩ syakũ? Nũndũ wa kĩ wĩkalaa kĩkw’ũnĩ? Yesũ nĩwakw’ie na athayũũka Kana wone thayũ na wovosyo.  4. Ngai atũmanie kwa andũ onthe Moke kwake mamanye Mũtangĩĩi,  Tanai mũno nũndũ wa ũtangĩĩo,  Mũkyasya, Alelũya, Mwĩaĩi.  (Amen)

NYIE NĨNĨNENGANĨTE (O Jesus, I have promised) 1. Nyie nĩnĩnenganĩte ngũthũkũme Yesũ,  Wĩ mũnyanyawa wakwa, wĩ Mũtangĩĩi wakwa.  Ndikĩa thĩna nongi nũndũ nũndethasya; Nzĩa ndikambaĩa, ũkĩndongoesya.  2. Yesũ, nenga kũkwona kũvĩta nthĩ ĩno.  Matatwa nĩ maingĩ, ala ma satani; Nĩngũmew’a na kwona ngoonĩ, o na mwĩĩnĩ.  Mwĩaĩi, ndethya mũno nume mawathenĩ.  3. Nonĩthukĩĩsye, Yesũ neena nakwa oyu.  Mawasya ma nthĩ ĩno nĩmeũlonzan'ya; Nthingĩthĩle mũno nyie, nĩw’e ndeto syaku: Veva waku ambon’ye nue mũmbonokya.  4. A mathũkũmaa, we nĩwamatavisye Makooka kwaku, Yesũ, mekalae me naku; Na nĩnĩnenganĩte kũkũthũkũma, we - Yesũ, mbĩkĩa vinya ngwendeeasya nesa.  (Amen)

 NĨNGWĨNENGANE KWA YESŨ (I surrender all) 1. Nĩngwĩnengane kwa Yesũ Nũndũ nĩngũmwenda yu.  Nĩngũĩkĩĩa na wendo Nũndũ nĩwandangĩie.  Nĩngwĩnengane Nĩmũthũkũme Na ũtanu, kwake Yesũ Nĩngwĩnengane.  2. Nĩngwĩnengane kwa Yesũ,  Nĩngũtulya ndu kwake; Ndina vata na nthĩ ĩno; Yesũ nambose oyu.  3. Nĩngwĩnengane kwa Yesũ Ambose nĩth’we wake.  Veva nandongoeasye Maũndũnĩ onthe vyũ.   4. Nĩngwĩnengane kwa Yesũ Nĩngwenda nĩvuũkw'e ngoo.  E na vinya na ĩnee vyũ; Syĩtwa yake yĩkathwe.  (Amen)

 HII MŨKAMATAVYE A ME KĨKW’ŨNĨ (Rescue the perishing) 1.  Thii mũkamatavye a me kĩkw’ũnĩ,  Mũmatangĩĩe a me thĩnanĩ,  Na al’avalũku mũkamatethye,  Matavyei Yesũ nĩwamakwĩĩe Thii mũkamatavye a me kĩkw’ũnĩ Yesũ nũkwenda mũkamakwatye.  2. Nake nũmeteelaa amamũleaa,  Endai, inywĩ mũkamathing’ĩĩsye Mũmakusye mbola mwĩ na wĩnyivyo,  Mamwĩtĩkĩle Yesũ Mũtangĩĩi.  3. Ngoonĩ sya a me ndee, ũla satani Nũvandaa maũndũ ala mathe; Ĩndĩ makĩmwosa Yesũ Mũtangĩĩi Makenda maũndũ ala make.  4. Nĩmwaĩlwe, inywĩ, nĩ kũmatavya Na Ngai akamũnengae vinya; Na kwa wendo wake makooka kwake.  Mamanya Yesũ nĩwamakw’ĩĩe.  (Amen)

 NĨTWĨW’ĨTE NDETO II (We have heard the joyful sound) 1. Nĩtwĩw'ĩte ndeto ii: Yesũ nĩ Mũtangĩĩi.  Tavan'yai kũndũ kw'onthe, Yesũ nĩ Mũtangĩĩi.  Tavan'yai wendo wake kũndũ kw'onthe kũkũ nthĩ; Tavan'yai ndeto syake, Yesũ nĩ Mũtangĩĩi.  2. Andũ onthe, ĩw'ai ũũ, Yesũ nĩ Mũtangĩĩi; Mũmwĩtĩkĩlei oyu, Yesũ nĩ Mũtangĩĩi.  Nĩwakw'ĩĩe mũtĩnĩ, nthakame yetĩkie ũndũ wa naĩ sitũ; Yesũ ni Mũtangĩĩi.  3. Nĩtũũmanya ũndũ ũũ, Yesũ nĩ Mũtangĩĩi,  Thayũ wĩ nthĩnĩ wake, Yesũ nĩ Mũtangĩĩi.  ĩĩ, nĩ ndeto sya mũyo sitũ oyu tũĩ,  Tũkĩtĩkĩla Yesũ, nĩ Mũtangĩĩi waitũ.  (Amen)

 ANDŨ AINGĨ (Millions of souls all around) 1. Andũ aingĩ mayamba kwĩw’a,  Kana Mwĩaĩi nĩwamakw’ĩĩe: Akw’ĩĩe mũtĩnĩ amovosye,  Yesũ ũla mwana wa Ngai waitũ.  Aingĩ yu me kũkũ nthĩ Nĩmaĩte wathenĩ woo; Twĩkalaatei ĩndĩ ana-Asa,  Tũkamatavye Mwovosya Yesũ 2. Sisyai nĩ o vaa vakuvĩ nenyu,  Mũkĩthi ngekalaa vamwe nenyu; Mũtikakĩe kana kũleela,  Ninyĩe ũla mwene vinya w’onthe.  3. Nĩwe ũla ũtũthing’ĩĩsyaa yu: Tũthi tũkethe ngethanĩ yake; Kyeni kyake kĩkamamulĩkaa.  Yĩla tũũmatavya wendo wake.  4. O yĩla tũkamwona Mwĩaĩi Tũkatana na ũtanu mwingĩ,  Nũndũ nĩtwamatavisye Yesũ,  Mũtangĩĩi ũla wa w’o wa andũ (Amen)

 ŨVOO WA NGAI NĨ MŨSEO MŨNO (Dear is the story of wonderful love) 1. ũvoo wa Ngai nĩ mũseo mũno,  Nĩtũtavĩtw’e ũvoo wa Yesũ: Akw’a mũtĩnĩ akĩsonok’wa,  Na anyamaa atũvonokye vyũ.  Tavan’ya yu, ũkatana mũno,  Tavan’ya yu, tavan’ya yu.  Vati ũvoo ũngĩ wĩ na mũyo ũtanu wĩ naw’o, ũkĩtavan’ya ũũ.  2. Amenwa, avũth’wa alewa vyũ; Ndeto yake yaĩ na vinya mwingĩ; Nĩyakĩlilye aimũ vinya,  Na yamavosya ala maĩ n’ũwau 3. Moko na maũũ nĩmatonyangiwe ĩtumo yalika ngoonĩ yake; Nĩwanyamaiw’e nũndũ witũ,  Nĩ kana atũetee wovosyo.  4. Vamwe na ala metĩkĩlĩte,  Twavika mũingo ũla ũngĩ,  Tũkamwona mwanakavye Yesũ,  Mũthenya ũla wĩ wa ũtanu.  (Amen)

 ĨNA MŨTANGĨĨI MŨSEO (I want everybody to know) 1. Nĩna Mũtangĩĩi mũseo,  E nakwa kw’onthe nĩendaa,  Mũvaka atavan’ye kw’onthe,  Nĩ kana onthe mamanye.  Nĩngwenda onthe mamanye,  ũvoo wa Yesũ Mũtangĩĩi,  Nĩthĩwe thayũ kũtavan’ya vyũ Nĩ kana onthe mamanye.  2. We nũngĩlĩthasya matatwa,  Nĩwe ũndanĩthasya ngoo,  Na andetee wovosyo wakwa; ĩĩ, andũ onthe, manyai ũu.  3. Nũngiakiasya mawoonĩ,  Nũnthengeeasya vala ũĩ Na yu nũnzeũvĩasya vandũ Vala mathĩna matokaa.  4. We nũmbĩthukĩĩsyaa mboya,  Na tei wake nũmbonasya,  Nũnengae ũathimo wake,  Nĩ kana inyw’onthe mwose.  (Amen)

 VALA ŨKWENDA NĨNGŨTHI (Where he may lead me i will go) 1. Vala ũkwenda nĩngũthi,  Nĩngũkũĩkĩĩa Yesũ.  ĩĩ, nĩnĩsĩ nĩwambiwe Nũndũ wakwa kũu kaivalĩ.  Yesũ akandongoesya Mĩthenya yonthe nĩ kũũ nthĩ; Nĩwe mũnyanyawa wa w’o Ngĩlilikana kaivalĩ.  2. Ndeto ii syake nĩsyo taa,  Nĩ sya kũndongoeasya Nĩnĩsĩ nĩwatonyiwe Mbaunĩ syake Kaivalĩ.  3. O kũla ngũthi kũkũ nthĩ,  Mwĩaĩi e vamwe nakwa.  Nĩngũĩkĩĩa ngamwona Namina wĩa wakwa nthĩ.   (Amen)

 NĨTŨKENGAWA TA TWANA (O christ, in thee my soul has found, ) 1. Nĩtũkengawa ta twana Tũkyendethaw’a naĩ; Na mũyo no wa ũsu, we,  ũmwendeeasya Ngai.  ĩĩ, Yesũ witũ ndwĩanĩwa Nĩ syĩndũ kwingĩva; Kwĩ wendo, thayũ na ũtanu,  Nthĩnĩ wa Yesũ yu.  2. Thayũ witũ ndwĩanĩwa Nĩ syĩndũ kwingĩva; Mbũni ĩ ya w’o yonekaa Twamũĩkĩĩa vyũ.  3. Manyai inyw’ĩ kũsiĩĩwa Kũmwosa Yesũ yu; Lĩu nĩwe, na Ngai eteelaa Mũmwĩtĩkĩle vyũ.  4. Tanai, Inyw’ĩ mũmwosete; Na ĩngĩ onan’yai Kwa onthe mamanthaa kũtheswa Ĩmbũni yĩ na Ngai.  (Amen)

 NŨŨVANDA MBEŨ YA ŨSUMBĨNĨ? (Sowing the seed of the kingdom) 1. We nũũvanda mbeũ ya ũsumbĩnĩ? Oyu kwĩ kĩoko na kũtheu,  We nũũvanda mbeũ ya ũsumbĩnĩ? Oyu kwĩna ũvyũvu mũnene.  ĩvinda ya ngetha nĩyũkĩte; Wĩa wa akethi ũkilyĩ ũthela,  Ngetha yaku ĩkeethwa yĩ nyingĩ,  ĩla wũmbanĩtye kũya ĩtunĩ? 2. We nũũvanda mbeũ ya ũsumbĩ Oyu mwanya wĩvo ũũ wa Ngai We nũũvanda mbeũ ya ũsumbĩnĩ ĩla ĩtavukaa nzaũ na ntheu.  3. We nũũvanda mbeũ ya ũsumbĩ Nthĩnĩ wa ngoo vala ve ũnou, .  We nũkaketha thayũ ngethanĩ,  Oyu ũka ũlike ũmũnthĩ.  (Amen)

 SATANI MŨSYĨMI WA ANDŨ (Satan the seeker of people) 1. Satani mũsyĩmi wa andũ Eenda mekale naĩnĩ,  Na Yesũ atheeie kũũ nthĩ,  Athesye mawathe onthe.  ĩthukĩĩsyei na ĩngĩ ĩthukĩĩsyei,  ĩthukĩĩsyei ũvoo mũseo,  Wa Yesũ etie nthakame,  Athesye mawathe makwa.  2. Mũthenya ũla weetĩkĩla,  Matavye angĩ mamanye,  Yesũ nĩwambiwe mũtĩnĩ,  Athesye mawathe onthe.  3. Tũvikĩlei Mwovosya mũseo Tũmwendei matukũ onthe,  Matatwa maingĩ makooka,  Kwa ũla ũmwĩsĩ Yesũ.  4. ĩthukĩĩsyei ũvoo mũseo,  Yesũ nũnũũkwĩta wũke,  Ekwenda ũtie, satani,  ũmwĩkwatye Yesũ e’weka.  (Amen)

 NĨTHI NAKU MWĨAĨI NĨTHI NAKU (How can i serve thee best) 1. Nĩthi naku Mwĩaĩi nĩthi naku? ũĩ waku Ngai nũnengete,  Ndethya kũthi vala ũkwenda Ngĩ-ĩkĩĩa matho maku Mwĩaĩi.  Kũkeethwa’ta Mwĩaĩi, kũkeethwa ata? Ndonya ata ũkũthũkũma mbee,  Neena nakwa Ngai neena nakwa,  Ndethasya matatwanĩ.  2. Nganeenaa ata Mwĩaĩi nganeena ata? Mũmanyĩsya manyĩsya ũmũnthĩ,  Mavinda onthe ndethya nĩthwe,  Ngĩkũkatha Ngai ngĩkũkatha.  3. Ngamanya’ata Mwĩaĩi ngamanya’ ta? Nĩngwenda ũsũvĩo waku, .  Veva mũtheu andongoesye,  Anthonokasye matatwanĩ.  4. Nĩwanthooie Mwĩaĩi yu nĩwaku,  Nĩwathĩniw'e nũndũ wakwa,  Nĩwambovoisye ndethya nĩthwe,  Nĩ kyeni kyaku Yesũ Mwĩaĩi.  (Amen)

 TŨTŨME TŨTŨME (To the work) 1. Tũtũme, tũtũme we Yesũ, tũtũme,  Tũvikĩle nzĩa ya ũsumbĩ waku,  ũndũ w’onthe tũwĩke na syĩtwa yaku Nũndũ nĩyo yatangĩĩe andũ.  Twĩthing’ĩĩsye, twĩthing’ĩĩsye,  Twĩthing’ĩĩsye, tũtũme,  Twĩthing’ĩĩsye, twĩthing’ĩĩsye,  Tũtũme tweteele wũke.  2. Tũtũme, tũtũme we Yesũ tũtũme,  Kwa ala mena nzaa manengwe mavũne,  Ala mena waũni manengwe manywe,  Matavye andũ onthe moke kwa Yesũ.  3. Tũtũme, tũtũme we Yesũ tũtũme,  Kĩvindunĩ kyeni kĩkenae kyoneke,  Kĩsumbĩke kwa vinya wa Mwĩaĩi Yesũ,  Andũ mamulĩkĩwe nĩkyo.  4. Tũtũme, tũtũme we Yesũ tũtũme,  Kũndũ kw’onthe kwa ala athe makene,  Tasyũa na ala au, tũmete moke,  Matavye ũvoo onthe moke kwa Yesũ.  (Amen)

 MWĨAĨI AKWĨKIE ATA? (Speak just a word) 1. Mwĩaĩi akwĩkie ata? Tavya ũngĩ o kateto,  ĩthwa na ũkũmbaũ waw’o Ndũmũtavan’ye Yesũ.  Tavya ũngĩ ndeto yake,  Wendo wa Mũtangĩĩi,  Tavan’ya ũndũ wa kwĩkie Ndũmũtavan’ye Yesũ.   2. Manyĩa ngelan’yo yake,  Tavya ũngĩ amĩmanye,  Amĩlea ena wasyo,  Ndũmũtavan’ye Yesũ 3. Yesũ nĩwakũtheisye naĩ? Tavya ũngĩ athew’e yu,  Nũtonya kwĩlila kwake,  Ndũmũtavan’ye Yesũ.  4. Ndũkamĩkĩe nthĩ nongi,  Neena nayo ndeto yake,  Ngovia nĩtũkanengwa,  Ndũmũtavan’ye Yesũ.  (Amen)